Pasé désan moun té sanblé adan an gran lotel Toronto, sé jou pasé-a, pou 25 kièm kongré la CONCACAF, ki sé konfédérasion football Lanmérik Nò, Lanmérik Anmitan ek Karayib.

Toronto sé kapital provens Ontario, Canada. Sé an manman-vil ki ni près senk miyon moun ka rété andidan’y. Lani moun ki sòti toupatou anliwon la-tè. Tout ras, tout rèlijion ka miganné, ka ploté, ka viv an vil-tala.

Lè kongré-a wouvè, prèmié moun ki palé sé Sepp Blatter, ki sé prézidan la FIFA ki donk tout football anlè la-tè. I di ki Toronto sé an janr FIFA, pas i ni tout moun anliwon la-tè riprézanté adan’y. Mé sa ki té pli fò parmi sa’y di-a, sé ki « football, ki sé ékité, ki sé fair-play, sé lespwa pou an mond pli bon, pli jis ».

Apré sé kongrésis-la adopté tout sé rapo-a, yo riéli misié Jack Warner pou prézidan. Sa ja ka fè 5 fwa misié ka fè prézidan la CoNCACAF.

Ansanm yo ribay prézidan, i di ki pou 2009, i ka travay pou ni an « Ligue des clubs champions de la Caraïbe » kon sa ja ka fèt près tout koté. Kontèl an Europe ki sé « Champions League ».

Manmay "Afrique du Sud" vini pou palé ba sé moun la CONCACAF-la pou di yo, asiré pa pétèt, "Coupe du Monde 2010"-la ké bien fèt an péyi-yo, magré sa yo ka di.

An dènié, moun "Brésil" di ki yo kandida pou owganizé "Coupe du Monde 2014"-la.

Apré sa, kongré-a bout, ek chak sé moun-lan, ki té ka riprézanté 35 péyi manb ek twa manb asosié, ki ni Matinik adan, ripran avion pou ritounen kay-yo.