Bagay-la soukwé toubonnman. Mézanmi. Kalté model soukous-tala sòti an fondòk kannal Dominik. I brennen kay kon moun an bon moman tan. Latranblad-tala té long, é i té fò tou. Sé konsidiré i paté anvi fini épi sa. An sel blobloblo an tout péyi-a. Sé pou sa bon épé moun té pè vèt, ni adan ki soté pa finèt, dòt chapé kouri kon fonmi fòl.
Sé bon tan pou rili sé konsiy-la sé manmay-la ka distribiyé-a sé jou pasé-a adan an opérasion yo ka kriyé "Réplik". Bien nonmen.
